Македонија
19. October 2017 - 9:57

СДСМ и коалицијата го имаат мнозинството во Советот на општина Гевгелија

Според објавените резултати од првиот круг на локалните избори за советници, кои од страна на општинските изборни комисии беа доставени до ДИК, познат е новиот состав на Советот на општина Гевгелија што го сочинуваат 19 советници.

Мнозинството во Советот на општина Гевгелија ќе го имаат СДСМ и коалицијата, кои според постигнатиот резултат од 7.248 гласови освоија десет советнички места, наспроти ВМРО-ДПМНЕ и коалицијата кои со резултат од 4.946 гласови освоија седум советнички места.

Во новиот Совет на општина Гевгелија две места освои уште независната советничка листа на Томе Кичуков која на локалните избори освои 1.989 гласови.