Свет
8. October 2017 - 9:37

Сандеј тајмс: Меј дава знак дека подготвува промени во Владата

Британската премиерка тереза Меј нагласи во интервју дека може да го отстрани од функција министерот за надворешни работи Борис Џонсон.

Сандеј тајмс објави денеска дека на прашање кон Меј какви и се плановите во врска со Џонсон таа одговори: - Никогаш не ми било стил да се кријам пред предизвиците и нема да почнам да го правам тоа сега.

Весникот коментира дека тоа е сигнал оти таа се подготвува да одбере нови министри во Кабинетот.

– Јас сум премиер и дел од работата ми е да бидам сигурна дека ги имам најдобрите луѓе во мојот Кабинет, наведува таа во интервјуто.

Кабинетот на Меј засега не коментираше.

Борис Џонсон вчера напиша дека сите од Конзервативната партија треба да застанат „во одбрана“ на премиерката Меј.