„Сандеј Тајмс“: Брегзит можеби кон крајот на 2019.
Излегувањето на Велика Британија од Европската унија би можело да биде реализирано дури кон крајот на 2019 година, пред се поради тоа што подготовката на тој чекор е голема задача на британската државна администрација, а почетокот на преговорите за Брегзит би можел да биде одложен за период по изборите во Франција и Германија, пишува денеска британскиот весник „Сандеј Тајмс“.
Владата на британската премиерка Тереза Меј најави дека планира да го активира членот 50 од Лисабонскиот договор, со кој официјално се покренува излегување од ЕУ, на почетокот на следната година, по што би почнал двегодишниот процес на преговори со официјален Брисел за условите за раздружување.
„Сандеј тајмс“ меѓутоа наведува дека некои британски министри ги предупредиле лидерите на финансискиот сектор дека членот 50 би можел да биде активиран дури кон крајот на 2017 година, што значи дека Британија би можела да излезе од ЕУ дури кон крајот на 2019 година.
- Некои министри сега сметаат дека активирањето на членот 50 може да биде одложено за есента 2017 година, откри извор од лондонскиот Сити, кој за тоа разговарал со двајца министри од британската Влада.
- Тие немаат инфраструктура за луѓето, кои треба да ги ангажираат. Тие дури велат дека не знаат кои прашања треба да ги прашаат кога конечно ќе почнат да преговараат со Европа, наведува изворот.
Ново на Сител
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење