Санација и асфалтирање на повеќе локации во Крива Паланка

Извршена е санација на пешачкот мост т.н „Градечки Мост“ кој ги поврзува  основното општинско училиште „Јоаким Крчовски“ и пристапниот тротоар на магистралата М2. Мостот е со должина од 44 метри и ширина од 3.8 метри. Стариот и дотраен асфалт е заменет, а вградени се околу 170 метри квадратни нова асфалтна површина. Освен мостот, асфалтиран е и пристапниот пат помеѓу училиштето и градскиот парк, со површина од 150 метри квадратни.

 

Од локалната самоуправа истакнаа дека со Одлука на Советот на општината асфалтиран е и спортскиот терен во училишниот двор на централниот објект на ООУ Јоаким Крчовски, а во рамки на оваа програма деновиве е асфалтиран еден крак од улицата „Наско Тамбурков“ во населба Скрљава, како и новиот пристапен пат до здравствениот дом „Димитар Арсов“.

 

Со Програмата за санација, тампонирање и асфалтирање на делови од улици и крпење на удирани дупки на улици и локални патишта на територијата на Крива Паланка за 2016 година од општинскиот буџетот се издвоени вкупно 11,8 милиони денари. 

 

Градежните активности продолжуваат и во текот на наредните денови согласно предвидената динамика и временските услови.