САД и Катар потпишаа договор за борба против тероризмот
Во текот на посетата на американскиот државен секретар Рекс Тилерсон на Доха, САД и Катар денеска потпишаа спогодба за борба против тероризмот и неговото финансирање, изјави високиот советник во Стејт департментот, Роберт Хамонд.
- Катар и САД потпишаа меморандум за разбирање меѓу двете земји, што ги предвидува идните напори на Катар во засилувањето на борбата против тероризмот и активното решавање на прашањето на финансирање на тероризмот, рече Хамонд.
Според Хамонд, ова е „оптимистичен чекор напред“.
Истовремено, Египет денеска најави дека министрите за надворешни работи на четирите арапски држави кои ги прекинаа врските со Катар, утре во Саудиска Арабија ќе разговараат со Тилерсон.
Египетскиот министер за надворешни работи Самех Шукри денеска доби покана од неговиот саудиски колега Адел ал-Џубеир утре да дојде на разговори во Џеда, соопшти Министарството во Каиро.
- Овој состанак ја одразува желбата на четирите земји да ја засилат координацијата и да го подвлечат своето единство во поглед на идните односи со Катар, се наведува во соопштението.
Ново на Сител
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина