САД: Договорот со Москва нема да ја загрози употребата на иранските бази
Руското користење на базите во Иран нема да ги спречи САД да постигнат договор со Москва за соработка во борбата против Исламската држава во Сирија, изјави портпаролот на Стеј департментот Марк Тонер.
Меѓутоа, тој синоќа нагласи дека се уште не е дојдено до договор за соработка и дека Москва продолжува да врши напади врз умерените сириски сили, кои ги поддржува САД.
Портпаролот на Стеј департментот оцени дека руското користење на иранските воздушни бази за изведување на воени напади во Сирија е „несреќно, но не и изненадувачко“ и порача дека Вашингтон се уште го проценува нивото на соработка меѓу Русија и Иран.
Руското Министерство за одбрана соопшти вчера дека воените авиони полетале од базата во Иран и се упатиле кон целите на ИД во Сирија.
Во соопштението се истакнува големиот напредок во борбата против сунитските милитантни групи и се додава дека до сега Русија никогаш не користела воени капацитети надвор од Сирија за операција во арапската земја.
Русија и Иран ги засилија нивите врски во последните неколку месеци, откако Русија ги укина повеќето од санкциите кои беа воведени за Иран.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари