Свет
22. March 2016 - 8:31

Русија најави напади врз оние кои го кршат примирјето во Сирија

Русија ги предупреди САД дека од денеска ќе почне со еднострана примена на сила врз оние кои го кршат примирјето во Сирија, доколку Вашингтон одбие да ја координира со Москва реакцијата во таквите случаи. 

Руската војска ги обвини САД дека одолговлекуваат со одговорот на предлозите на Москва за правилата за заедничко следење на примирјето во Сирија и за одговорите на неговото непочитување. 

Руската војска тврди дека натамошните одложувања ќе водат до цивилни жртви. 

Генерал-поручникот Сергеј Рудској од Генералштабот на руската војска наведе во соопштение дека Русија, почнувајќи од денеска еднострано ќе користи сила против оние кои го кршат примирјето, доколку САД не одговорат на нејзините предлози за заеднички одговор.