Роскосмос ќе и помага на НАСА во испраќање астронаути на ИСС
Руската државна вселенска корпорација Роскосмос ќе и помогна на американската вселенска агенција (НАСА) во испраќање астронаути на Меѓународната вселенска станица (ИСС), изјави денеска директорот на Роскосмос, Дмитриј Рогозин.
– Ќе се обидеме да им помогнеме на нашите американски колеги и ќе ги направиме нашите екипажи покомпактни, посочи Рогозин.
Тој додаде дека тоа ќе влијае врз руските планови за изведување на научни експерименти во рускиот сегмент на вселенските станици.
Рогозин наведе дека примил „топло” писмо од директорот на НАСА, Џим Брајденстајн, во кое го известува за доцнењето на летовите на комерцијалните вселенски бродови за самостојно испраќање на астронаути до орбиталните станици и оти ќе бидат потребни дополнителни испитувања за повторна проверка на системот за спасување во итни случаи.
– Поради тоа на американската страна можеби ќе и бидат потребни дополнителни седишта (во сојуз) во 2020 и 2021 година. Ние поаѓаме од принципот на партнерство и одлучуваме како да ги исполниме тие барања, истакна Рогозин.
Ново на Сител
-
ВО ЖИВО: Нема настава во сабота
-
Тема на денот со претседателот на ДИК, Александар Даштевски
-
ССК: Кога среда е неработен ден, сте ја изгубиле цела недела
-
Во Југоистокот на државата запишани 1547 болни и изнемоштени лица
-
ВО ЖИВО: Подготовки во ДИК
-
Гласање во затвор „Идризово“, запишани 887 избирачи
-
Гласаат затворениците во Штип
-
Управен ја запре постапката за вработување на 130 кандидати за идни судии и јавни обвинители