Роботите ќе преземаат 50 отсто од работните места
Централната Банка на Англија предупредува дека автоматизацијата и роботизацијата во следните 10 до 20 години ќе придонесе за укинување на над 80 милиони работни места во САД и 15 милиони во Велика Британија.
Банката прецизира дека роботите и други машини ќе преземат околу 50 отсто од работната сила во секоја земја.
Главниот економист на Банката, Енди Халданен истакнува дека компјутерите стануваат се пософистицирани и дека автоматизацијата ги загрозува работните места, за кои порано се сметаше дека се наменети само за луѓето.
- Овие машини, за разлика од поранешните, имаат потенцијал да го заменат човековите мозок и раце, објаснува тој.
Банката на Англија истакнува дека роботизацијата најмногу ги загрозува административните и производствените работници.
Сепак, експертите наведуваат дека доаѓањето на роботите не значи и раст на невработеноста. Луѓето своите вештини ќе ги прилагодат на задачи на кои и натаму ќе имаат предност над машините.
Ова не е првпат во историјата технологијата радикално да ја трансформира работната сила. Многу физички работници биле принудени да бараат пософистицирани занимања во текот и по индустриската револуција.
Но, состојбата сега е поинаква, бидејќи „интелигентните‟ роботи продираат во области кои бараат одредени вештини, оставајќи на луѓето само работни места со најниски и највисоки барања.
Ново на Сител
-
„Гугл мапс“ ќе може да го посочува најблискиот полнач за електромобили
-
ЕП: Ракометарките против Шведска, Унгарија и Турција
-
УЕФА ја казни Барселона
-
Ѓорческа не го помина второто коло на фјучрсот во Копер
-
Хамилтон: Ќе се тркам долго откако ќе наполнам 40 години, Ферари не е нешто краткорочно
-
Продолжуваат кампањите за претседателските и парламентарните избори
-
Протест на вработените во културните институции поради неисплаќање на мартовската плата
-
ДКСК повторно ќе постапува по приговорот на Силјановска-Давкова за кршење на изборните правила