Ременски: Не сметав дека треба да добијам дозвола од Заев за да се кандидирам
Во вечерашното гостување во Тема на денот на Сител, кандидатката за лидер на СДСМ Фросина Ременски рече дека немала контакт со Заев затоа што не чувствувала потреба да добие дозвола од него за да се кандидира.
-Јас ниту пред ниту по мојата кандидатура немам комуникација со претседателот Зоран Заев, затоа што самите внатрепартиски избори и самата одлука на Централниот одбор на СДСМ го дава правото на секој кандидат кој ги исполнува условите согласно статутот и правилникот на партијата да поднесе кандидатура и да ја збогати токму таа внатрепартиска демократија. Не сметав дека треба да добијам дозвола доколку имам идеја, капацитет, тим и секако разбирање за потребите на членството, рече Ременски.
Во однос на ставот на Заев дека ја поддржува кандидатурата на Димитар Ковачевски и на неговото присуство на владини средби заедно со Заев, Ременски изјави дека не смета дека е хендикеп и неправилно тоа што тој учествувал на владините средби.
-Секој има право да има фаворит и секој има право да поддржи некого. Она што јас го очекувам е поддршка и поздрав на кандидатурите од Заев за сите кандидати, вклучително за кандидатурата на Јован Деспотовски и за мојата. Само така може да се покаже тој еднаков пристап кон кандидатите кој што треба да трчаат за лидерската позиција. Тврдам дека во социјалдемократскиот сојуз ништо не е јасно во однос на резултатите во внатрепартиските избори, рече Ременски.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка