Македонија
12. September 2020 - 14:32

Рекорден број на новозаболени од Ковид-19 во Струмица

Во Центарот за јавно здравје во Струмица во изминатото деноноќие се регистрирани 11 нови случаи на заболени од Ковид-19, на возраст од 15 до 69 години.

Според директорот на Центарот за јавно здравје во Струмица, Петре Витанов, станува збор за заболени од различни кластери.

-Ги преземаме сите мерки да ги откриеме контактите на заболените, правиме епидемиолошка анкета и ги мапираме контактите. Се работи за заболени од различни кластери и во најголем дел сите потекнуваат од градот Срумица. Очекувам во текот на денот Комисијата за заразни болести да заземе став за да може да преземем мерки по рекордниот број на заболени во Струмица, рече Витанов.

Инаку, на Инфективното одделение во струмичката болница се лекуваат 17 заболени, а неколкумина се пренесени и на лекување во Скопје.