Речиси 800.000 имиграти годинава влегле во Европа преку Медитеранот
Од почетокот на годинава во Европа преку Средоземното Море пристигнале речиси 800.000 имигранти, што претставува четири пати повеќе во однос на 2014 година, соопшти денеска Меѓународната организација за миграции, (ИОМ).
Од вкупно 798.792-та мигранти и бегалци кои пристигнале во Европа преку Средоземното море од почетокот на оваа година, над 653.000 лица влегле во Грција, а над 141.000 во Италија.
Од 27 октомври, па до претпладнево, во Европа влегле речиси 95.000 имигранти, од кои околу 17.600 пристигнале во Грција во периодот од 6 до 8 ноември. Според ИОМ, минатата седмица, од 2 до 9 ноември, грчко-македонската граница ја минале 26.860 мигранти.
Од почетокот на годинава, 3.455 лица ги загубиле животот во Средоземното Море во обид да стигнат на европскиот континент.
Од минатиот месец во рамки на планот на Европската комисија за прераспределба на бегалците меѓу земјите-членки на ЕУ, 118 имигранти се преместени од Италија во Финска, Шведска, Шпанија и Франција, наведува ИОМ.
Ново на Сител
-
ДЗС: Струјата во второто полугодие лани поскапела за 8,2 отсто
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо
-
Објавен конкурсот за уписи во средно училиште
-
Битолчанка пронашла граната додека копала нива
-
До вторник сончево и топло до 29 степени
-
Нето надворешниот долг на крајот на 2023 година изнесувал 4.458 милиони евра
-
Тетовци се жалат дека не можат да излезат од дома поради глутниците