Рама огорчен по одлуката на Хаг за Тачи и Весели
По информацијата дека Специјалното обвинителство во Хаг поднело предлог-обвинение против косовскиот претседател Хашим Тачи и поранешниот собрански спикер Кадри Весели,поради воени злосторства против човештвото, реагираше албанскиот премиер Еди Рама наведувајќи дека е на страната на „борците кои го ослободиле Косово од пеколот на Милошевиќ“.
Во објава на Фејсбук Рама вели дека кога ја добил информацијата и ги прочитал имињата на наводните криминалци од Ослободителната војна во Косово, тој се обидел но не успеал да ги формулира вистинските реченици за да ја изрази својата огорченост.
Рама најави дека јавно ќе се произнесе во текот на денешниот ден со порака за сите Албанци, но потенцира дека е и ќе биде до крај, во подршка на сите што се бореле со оружје за ослободување на Косово, заробено во пеколот на Слободан Милошевиќ.
„Да живее Косово и денес повеќе од кога и да е, почит за водачите на ослободителната војна, напиша Рама.
Реагираше и овластениот министер за Европа и надворешни работи, Гент Цакај.
„Борбата на Ослободителната војска на Косово беше чиста и праведна и не е само највисоката точка на историските заложби на народот на Косово за слобода и самоопределување, но исто така и најславното поглавје од нашата национална историја, напиша на Фејсбук,Цакај,кој по потекло е од Косово.
Тој искажува целосна убеденост дека ќе се докаже нивната невиност.
Прв реагираше претседателот Мета кој на Фејсбук напиша дека Тачи и Весели ќе докажат дека се невини.
– Веруваме во невиноста на претседателот Хашим Тачи и поранешниот претседател на Парламентот, Кадри Весели и сите нивни соборци, напиша Мета.
Тој додаде дека и претходно биле подигнати обвиненија против поранешните лидери на ОВК, но тие ја докажале нивната невиност и оти тој верува дека и сега тоа ќе се случи.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка