Радев денеска и утре со серија политички консултации пред врачување на мандатот за состав на новата бугарска Влада
Бугарскиот претседател, Румен Радев, денеска ги почнува консултациите со претставниците на седумте пратенички групи во 47. Народно собрание пред да го врачи првиот мандат за формирање на идната бугарска влада.
Како што јави дописникот на МИА од Софија, Радев денеска ќе разговара со четири од партиите во новиот бугарски Парламент, а за утре се закажани уште три средби.
Тој ќе се сретне одделно со претставници на седумте партии за да разговара за можностите 47-от бугарски Парламент да ја предложи новата бугарска Влада.
Веќе две недели „Промените продолжуваат“, партијата која победи на третите парламентарни избори годинава, преговара со уште три партии за коалициска влада.
Први на консултациите со претседателот Радев ќе бидат претставниците на „Промените продолжуваат“, а по нив претседателот на Бугарија ќе разговара со претставници на ГЕРБ-СДС. Оваа коалиција веќе ќе биде опозиција во 47. Народно собрание на Бугарија, најави претходно претседателката на пратеничката група Десислава Атанасова.
Третата средба за денеска Радев ќе ја оствари со Движењето за права и слободи, а БСП ќе биде четврта .
Бугарскиот претседател утре ќе ги продолжи консултациите со претставниците на „Има таков народ“, „Демократска Бугарија“ и „Преродба“.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок