Работна средба на лидерите од Западен Балкан утре во Охрид
Премиерот Зоран Заев е домаќин на трилатералната работна средба на лидерите на Западен Балкан што утре ќе се одржи во Охрид.
На средбата ќе присуствуваат уште и претседателот на Србија, Александар Вучиќ и претседателот на Владата на Албанија, Еди Рама.
Агендата предвидува во Охрид да се одржи работен состанок на кој покрај тројцата лидери уште ќе учествуваат и претседателот на Советот на министри на Босна и Херцеговина, Денис Звиздиќ и министерката за економија на Црна Гора, Драгица Секулиќ.
По средбата ќе следи пленарна сесија на лидерите од Западен Балкан со претставници на меѓународни организации и институции, меѓу кои, Европска банка за обнова и развој, Регионален совет за соработка, Европска комисија, Светска банка и Европска инвестициона банка. По работните состаноци најавена е и прес-конференција на лидерите на Западен Балкан.
Во врска со средбата преземени се активности за сообраќајно и физичко обезбедување на сообраќајниците, така што во координација на полицијата со субјектите одговорни за одржување на патиштата и улиците во градот, со Фондот за комунални дејности, сообраќај и улици при општина Охрид, со Јавните претпријатија, се отстрануваат сите паркирани возила од дел од сообраќајниците во градот што водат кон хотелот каде ќе се одржуваат средбите. За време на одржувањето на состаноците целосно ќе биде забрането запирање и паркирање возила на паркинг-местата на потегот булевар „Туристичка“ – „АСНОМ“ – Кеј „Македонија“, како и на улицата „Партизанска“ до крстосницата со „Јане Сандански“.
Ново на Сител
-
ОЛАФ бара од Македонија да врати 2,2 милиони евра - злоупотребени пари од Еразмус плус
-
ССМ најавува серија протести, работниците излегуваат на улица
-
Штипските пензионери повторно на протест
-
Глобалниот минимален данок од 15% - закана за 50-тина компании кои работат во зоните кај нас
-
Преглед на вестите од светот
-
Последен работен ден за пратениците од овој состав
-
Информативен ден на НАТО програмата „наука за мир и безбедност“
-
Мисија на УНЕСКО во Охрид