Путин: Стратешкото партнерство со Србија се потврдува со секојдневна работа
Рускиот претседател Владимир Путин на денешната средба со шефот на српската држава Александар Вучиќ изјави дека стратешкото партнерство со Србија се потврдува со секојдневна работа во доменот на политиката, економијата и безбедноста.
– Нашите односи се развиваат многу позитивно, а стратешкото партнерство се потврдува со секојдневна работа, истакна Путин на почетокот на состанокот со Вучиќ во Сочи.
Според оценката на Путин, во текот на 2018 година трговската размена се зголемила за два отсто, а за девет месеци оваа година растот бил поголем од девет проценти.
Рускиот лидер го покани Вучиќ на свеченоста следната година на 9 мај по повод 75-годишнината од победата над фашизмот.
Вучиќ се заблагодари на поканата и повторно го повика Путин да ја посети Србија.
Тој најави дека со Путин ќе ја разгледаат ситуацијата во Косово, но нагласи дека не е оптимист кога станува збор за постигнување компромис и конечно решение со Приштина.
Ново на Сител
-
Преглед на вестите од светот
-
Од утре започнува изборниот процес - Во домашни услови ќе гласаат болните и изнемоштените лица
-
Последен ден од кампањата за претседателските избори
-
Тема на денот со лидерот на ВМРО-ДПМНЕ, Христијан Мицкоски
-
Конкурсот за АСЈО повторно пред Уставен, одлука ќе носи вечерва
-
Со куфери и авионски билети приватните специјализанти протестираа пред Министертсвото за здравство
-
Последен ден од кампањата за претседателските избори
-
Ахмети до Мицкоски: Внимавај што зборуваш, Мицкоски му возврати да се подготви за опозиција