Путин: САД ја критикуваат Русија заради Сирија, а одбиваат дијалог
Одлуката на официјален Вашингтон да ги попречи руските напори за дипломатско ангажирање во сирискиот проблем не е конструктивна и укажува на недостаток од волја за разговор, изјави денеска рускиот претседател Владимир Путин.
Путин, на ваков начин, го искоментира тоа што администрацијата на американскиот претседател Барак Обама го отфрли предлогот да ја прими руската делегација на чело со премиерот Дмитриј Медведев на разговори за разликите кои САД и Русија ги имаат за прашањето на сириската криза, пренесе сајтот „Раша тудеј“.
-Верувам дека таквата позиција не е конструктивна. Слабоста на оваа позиција е во тоа што таа се темели на одсуство на план. Се чини дека тие немаат за што да разговараат, рече Путин во текот на средбата со претседателот на Казахстан, Нурсултан Назарбаев, во Астана.
Путин во вторникот изјави дека Русија предложи во Москва да се оддржи состанок за Сирија на високо воено и политичко ниво, како и во Вашингтон да упати делегација на чие чело може да биде Медведев. Путин тогаш кажа дека од САД се уште нема одговор.
Шефот на руската дипломатија, Сергеј Лавров, вчера изјави дека САД одбиле да испратат висока воена делегација во Москва на разговари за посериозна координација на борбата во Сирија.
Лавров рече дека предлогот го изнел рускиот претседател Владимир Путин во текот на посетата на Њујорк, кон крајот на септември.
Официјален Вашингтон соошти дека нема да преговара доколку Русија не престане да ја поддржува Владата на сирискиот претседател Башар ал-Асад.
Ново на Сител
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.
-
Г-7 одлучни да ја засилат ПВО на Украина