Пуштено во употреба реконструираното игралиште во Карпош 2
Детското игралиште во Карпош 2 по седум дена константна работа на фирмата изведувач „Лапласт М“ е целосно обновено и денеска официјално беше пуштено во употреба.
Градоначалникот на Општина Карпош Стевчо Јакимовски на отворањето рече дека игралиштето е направено во 1992 година и по 25 години е целосно реконструирано и на располагање на најмладите жители на Карпош 1 и Карпош 2.
- Не постои ниту едно детско игралиште на територија на Општина Карпош коешто Општината има намера да го поништи или што било друго да се направи на негово место, затоа што вакви простори има многу малку во нашата општина, односно вклупно 56. Нив ги чуваме и ги браниме за нашите најмали жители. Ние сме прва општина која почна да ги оградува овие детски игралишта и да ги ставаме под клуч, за да ги заштитиме од оние несовесни граѓани коишто, особено во раните утрински часови, доаѓаат и ги оштетуваат реквизитите кои треба да им служат за разонода и релаксација на нашите најмлади жители, рече Јакимовски.
Напомена дека вкупните средства кои се издвојуваат од општинската каса за иградба или реконструкција на сите игралишта во локалната самоуправа се околу 150 илјади евра.
- Ова игралиште, каде што се заменети сите реквизити, поставена е нова ограда и е заменет песокот, локалната самоуправа ја чинеше околу 450 илјади денари, рече Јакимовски.
Во план на Општина Карпош за наредниот период се и реконструкции на детски катчиња на улиците „Букурешка“ во Тафталиџе 1 и „Варшавска“ во Тафталиџе 2.
Ново на Сител
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје