Пукање во центарот на Тетово, нема повредени
Нема повредени во оружениот инцидент што синоќа нешто по 21 часот се случи на булеварот „Маршал Тито“ во центарот на Тетово, информираа од теовската полиција.
Пукањето со огнено оружје било пријавено во полиција околу 21 часот и 10 минути од страна на граѓанин. Полицијата по добиени сознанија дека учествувале во престрелката привела три лица – Д.М.(43) од Лавце и Б.Д.(43) од Тетово, како и Џ.Р.(28) од Шипковица, а се трага по уште десеттина лица.
Уште синоќа на место на инцидентот излегоа полициски екипи. Тие со полициски ленти блокираа дел од булеварот од спротивната страна каде имаше оставено возило, како и дел од тротоарот пред ресторанот Делфин за крим техничка обработка.
Првичните информации од истрагата велат дека најпрвин започнала расправија помеѓу Д.М.(43) од Лавце и Б.Д.(43) од Тетово од една страна со Н.М.(34) Тетово од друга страна во едно казино по што тие излегле на булеварот каде започнале и престрелка со огнено оружје, пиштоли и калашникови. Од куршумите биле оштетени три угостителски и продажни објекти, една балконска врата од стан и едно возило. Според очевици на настанот, дел од куршумите завршиле и во стаклото од излогот на ресторантот Делфи, но за среќа никој не бил повреден иако меѓу гостите настанала паника по што најголем дел од нив избегале од задниот влез.
Увид покрај екипи на полицијата извршил и јавен обвинител и се работи на целосно расчистување на случајот. Според досегашните неофицијални информации на самото место биле пронајдени повеќе чаури за пиштол и калашников калибар 9 и 7,62 милиметри, две возила и други траги што биле подигнати за вештачење.
Ново на Сител
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок
-
Силјановска: Горда сум на граѓаните, не само на оние кои гласаа за мене туку и на останатите