Пуџдемон: Апсењето на двајцата каталонски сепаратистички лидери е многу лоша вест
Каталонскиот премиер Карлес Пуџдемон изјави дека апсењето на двајцата каталонски сепаратистички лидери, по наредба на Врховниот суд на Шпанија, осомничени за антидржавна активност, е „многу лоша вест“.
Пуџдемон го напиша тоа на Твитер, откако шпанскиот Врховен суд минатата ноќ нареди апсење на Жорди Куишарт и Жорди Санчес, против кои се води истрага за противдржавна дејност.
- Тие се обидуваат да ги затворат идеите, но тоа го зголемува стремежот за слобода, напиша Пуџдемон.
Претседателката на каталонскиот регионален парламент Карме Форкадел побара Куишарт и Санчес да се вратат дома, притоа истакнувајќи дека неоправдано се апсат мирни лидери.
По одлуката за притворот на Санчес и Куишарт, кои имаа клучна улога во подготовките и организацијата на референдумот за независност на Каталонија одржан на 1 октомври, кој властите во Мадрид го прогласија за противзаконски, во Барселона синоќа беа организирани протести во кои учесниците маршираа низ улиците.
Поради притворот на двајцата сепаратистички лидери за вечерва се најавени протести пред канцелариите на шпанските централни власти во повеќе каталонски градови.
Ново на Сител
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост