Првпат жена е избрана за комесар на британскиот Скотланд Јард
Скотланд Јард ја именува денеска Кресида Дик (56) за нов комесар на оваа најголема полицска единица во Велика Британија, што е прв таков случај досега.
Досега Дик беше заменик комесар на лондонската Метрополитен полиција и на новата должност ке го наследи досеганиот кмесар, Бернард Хоган Хау кој раководеше со Скотланд Јард од 2011 година.
Таа е една од најпознатите и најугледните жени полицајци во британската полиција, која едно време работеше во чувствителниот безбедносен сектор во Форин Офисот.
Во нејзината кариера како „дамка“ во работењето и се припишува случајот со ненамерното убиство на еден бразилски имигрант во Лондон.
Дик раководеше со полициската операција за откривање и фаќање на терористите од неуспешниот терористички напад од 23 јули 2005 година, кога беше покрената потера низ Лондон и притоа, по грешка, беше убиен Бразилецот Жан Чарлс де Менезис, само затоа што многу наликуваше на еден од неуспешнте бомбаши самоубијци.
Во долгата полициска и судска истрага, таа на крајот, сепак, беше ослбодена од сите обвинувања. Родителите на младиот Бразилец, меѓутоа, изминатите недели покренаа барање да биде блокирано поставувањето на Кресида Дик на новата функција, продолжувајќи да ја обвинуваат за смртта на нивниот син.
Одлуката за нејзиното поставување ја донесе министерот за внатрешни работи Амбер Рад, по консултациите со градоначалникот на Лондон, Садик Кан кој е правник и адвокат за случаи на повреда на човековите права.
Во британската полиција сега три жени се наоѓаат на челото на трите најважни полициски тела, во момент кога жени се и на функциите министер за правда и за внатрешни работи.
Ново на Сител
-
Седница на Главен штаб за управување со кризи при ЦУК
-
Синот на Бајден присуствуваше на инаугурацијата и покрај истрагата против него
-
Сообраќајот по наместа влажни коловози, можна е појава на голомразица
-
Заев со честитка до Бајден и Харис: Верувам дека ќе го продлабочиме сојузништвото
-
Средбата неуспешна: Средношколците од утре ќе ја бојкотираат наставата
-
Угостителските објекти од утре ќе работат до 21:00 часот
-
Второто полугодие продолжува со истите мерки и протоколи
-
Заев: Пописот е статистички процес неопходен на државата за креирање на долгорочни развојни економски политики