Македонија
20. March 2020 - 11:59

Прв случај на корона вирус во Кавадарци

Едно лице засега од Кавадарци е регистрирано и се смета за прв случај со позитивен наод при испитување за заразата. Лицето се тестирало во Клиниката „Жан Митрев„ по сопствена желба. Денеска до пладне ке биде познат исходот од второто тестирање.

Новиот втор брис е земен и се чекаат резултатите од Институтот за јавно здравје, чија лабораторија е референтна за тестирање од корона вирусот.

Кавадарчанецот ова сознание го добил синоќа во 24 часот, кога му соопштиле дека е позитивен на коронавирус.

Граѓанинот моментно е болнички згрижен на Инфективната клиника во Скопје. Податоците ни се потврдени од епидемиолог.

Неофицијално лицето не е возач, но за свои потреби патувало низ државата. Се очекува Министерот за здравство и официјално да соопшти дали има или не потврда на овој случај, на првата наредна прес конференција.