Протестен марш на иницијативата „За заедничка Македонија“ во Крива Паланка
Граѓански марш на иницијативата „За заедничка Македонија“ се одржа и вечерва низ улиците на Крива Паланка на кој порака за унитарна и единствена Република Македонија упатија паланчани од различни возрасти.
Маршот почна од населбата „Житен склад“ од каде граѓаните се упатија кон центарот на градот, движејќи се по главната улица „свети Јоаким Осоговски. Од маршот и овој пат беа упатени пораки да се зачува татковината каква што ни ја оставиле нашите предци.
- Не сакаме да се менува Уставот, не можеме да поддржиме никакви сценарија и платформи инструирани однадвор, си ја сакаме нашата мила Македонија и затоа излеговме на улица да кажеме не за двојазичност. Сега кога земјата тргна напред и може да напредува со брз чекор, не ни е потребно вакво разнебитување на државата, рече Грозде Петковски, поддржувач на иницијативата „За заедничка Македонија“.
Присутните порачаа дека мора да се зачуваат македонскиот јазик и унитарна Македонија.
Маршот заврши пред зградата на локалната самоуправа на општината каде се наоѓа споменикот на паднатите борци од Народноослободителната борба, кој граѓаните го обвиткаа со македонското знаме.
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца