Македонија
21. August 2017 - 18:04

Проштална средба на министерот Димитров со шпанскиот амбасадор Абароа

Министерот за надворешни работи Никола Димитров денеска имаше проштална средба амбасадорот на Кралството Шпанија во Република Македонија Рамон Абароа.

- Министерот Димитров на средбата најостро го осуди грозоморниот терористички чин што изминатата недела се случи во Барселона, изразувајќи солидарност со пријателска Шпанија и сочувство до семејствата и блиските на настраданите, се вели во соопштението од МНР.

На средбата бил направен кус преглед на досегашниот развој на билатералните односи при што било констатирано дека постои простор за натамошно унапредување на политичкиот дијалог, а била потврдена и заемната заложба за развој на соработката на економски план.