Проширување на мрежата на градинки и центри за ран детски развој на владина седница
Владата на Република Македонија денеска ќе ја одржи 105-тата седница на која ќе ја разгледа информацијата за проширување на мрежата на детски градинки и центри за ран детски развој во Република Македонија.
Како што соопшти владинта прес-служба на седницата ќе биде разгледана информација во врска со одржување на Шеснаесеттиот состанок на Министерскиот совет на Енергетската заедница на 29-ти ноември 2018 година во Скопје, како и информацијата за иницијативата Република Македонија да биде земја домаќин на вториот „Светски конгрес на претприемачи“ во 2019 година.
Министерството за одбрана на денешната седница ќе ја презентира информацијата за преземените мерки за натамошниот развој и промоција на „Криволак“ како меѓународен полигон за обука и извежбување.
Министрите во Владата на РМ денеска ќе бидат запознаени и со информацијата за Програма за поддршка за печатење и дистрибуција на печатените медиуми за 2018 година, а Министерството за образование и наука ќе информира за отпочнување на постапката за формирање Национален совет за високо образование и научно-истражувачка дејност.
На денешната седница на Владата на РМ ќе се најде и информацијата за проширување на мрежата на детски градинки и центри за ран детски развој во Република Македонија.
На предлог на Собранието на РМ, министрите во владата денеска ќе донесат мислење за финансискиот план на Регулаторната комисија за енергетика на Република Македонија за 2019 година, како за финансискиот план на Јавно радиодифузно претпријатие Македонска радио телевизија за идната година.
На денешната седница, ќе се најдат и повеќе други точки од надлежност на Владата на РМ, како и од програмата за работа, во интерес на граѓаните.
Ново на Сител
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ