Пронајдена „Цесната“ во Грција, пилотите загинале

Двајцата пилоти на „Цесната“ која исчезна вчера попладне се пронајдени мртви во близина на остатоците на авионот, три километри северно од Калаврита.

Остатоците од авионот ги пронашол пилот на хеликоптер кој учествувал во спасувачката операција, кој откако ги забележал остатоците слетал и ги открил и телата на загинатите.

Причините за несреќата допрва ќе се утврдуваат.

Авионот, вчера полетал од Мегара на пат кон Пелопонез, а грчката Служба за цивилна авијација соопшти дека последната комуникација со авионот била вчера во 17 часот и 15 минути по локално време.