Продолжува собраниската расправа за ребалансот на Буџетот
Собранието на Република Македонија денеска во рамки на 111. седница ќе ја продолжи расправата по Дополнетиот предлог за изменување и дополнување на Буџетот на Република Македонија за 2016 година.
На дневен ред на седницата се и предлог одлуките за објавување јавен оглас за именување на претседател, заменик претседател и заменик член на Комисијата за решавање на жалби во областа на енергетиката, за избор на член на Советот на јавните обвинители на Република Македонија, за именување на член на Комисијата на Агенцијата за пошти, како и Предлог за избор на член на Судскиот совет на Република Македонија.
Пратениците ќе разгледуваат и неколку ратификации на спогодби на Владата на Република Македонија со владите на Виетнам, Италија и Србија.
На дневен ред на седницата се и предлог-законите за ратификација на измените и дополнувањата на Конвенцијата за заедничка транзитна постапка (консолидирана верзија), за изменување и дополнување на законите за здравственото осигурување, за градежно земјиште, за административни службеници, за спортска академија, по скратена постапка.
Пратениците ќе расправаат и по Предлог-законот за изменување на Законот за државниот испитен центар, по скратена постапка поднесен од група пратеници и Годишниот извештај за работата на Судскиот совет на Република Македонија за 2015 година.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица