Продолжена вакцинизацијата во Србија, но и работното време на рестораните до 20 часот.
Вакцината против коронавирусот, по Белград и Нови Сад, денеска ќе ја примат корисниците на домови за стари лица во Крагуевац и Ниш, јави дописникот на МИА од Белград.
Имунизацијата започна вчера со вакцинирањето на премиерката Ана Брнабиќ, епидемиологот Предраг Кон, министерката за труд Дарија Кисиќ Тепавчевиќ, како и во старечките домови во Белград и Нови Сад.
Вакцинацијата во Србија, која засега се одвива со Фајзеровата вакцина е на доброволна база.
Како што пишуваат медиумите кај вакцинираните досега не се јавиле никакви сиптоми после имунизацијата.
Претседателот на Националното координативно тело за имунизација, Мирсад Ѓерлек, изјави дека одлучиле да ја започнат вакцинацијата од поголемите градови, бидејќи таму се наоѓаат најголемите жаришта, а се врши имунизација на лица постари од 65 години бидејќи повеќето од пациентите на болничко лечење се на таа возраст.
-Не ни опаѓаат бројки во болниците и единиците за интензивна нега. Затоа им дадовме мала предност на луѓето во домовите за стари лица затоа што тие се застапени во голем број меѓу хоспитализираните, изјави тој.
Заменик-градоначалникот на Белград, Горан Весиќ, изјави дека на денешната седница на Кризниот штаб, на барање на Сропанската комора на Србија и на градот Белград, одлучено е трговските центри, услужните продавници, како и малопродажни објекти и угостителите за време на викендот да работат до 20 часот .
Медиумите објавија дека конечната одлука за мерките за Нова година и Божиќ не е донесена и дека за понеделник е закажана нова седница на штабот.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање