Прилепскиот театар ја подготвува претставата „Пиреј“
Во Народниот театар „Војдан Чернодрински“ во Прилеп интензивно се работи на подготовка на новата претстава „Пиреј“ од Петре М. Андреевски во режија на Љупчо Ѓорѓиевски, која премиерно ќе биде изведена на крајот на април.
Според режисерот Ѓорѓиевски, автор како Петре М. Андреевски е голема инспирација и за него како режисер, но и за актерскиот ансамбл.
- Андреевски навлегува длабоко во судбината на овој народ, продира во неговата душа, и имам впечаток кога човек ги говори неговите зборови како да ги корне зборовите од длабочината на душата. „Пиреј“ е објавен 1980 година во други околности. Романот зборува за многу горлива тема за нас и нашето поднебје, за нашето парчосување по Балканските војни и периодот на Првата светска војна. Петре е актуелен и живее во некои непроменети околности последниве сто години. Претставата „Пиреј“ ќе биде претстава за човекот, за расцепот на овие простори, за растргантоста на народот, бидејќи мене ме интересира субината на човекот од крв и месо, рече Ѓорѓиевски.
„Пиреј“ на сцена првпат е поставен во 1982 година во Битолскиот театар, во режија на Владимир Милчин. По повеќе од 35 години се поставува повторно, овојпат на сцената на театарот во Прилеп.
Ново на Сител
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница