При силен земјотрес на Турција и се заканува цунами
Извештај на експертска комисија презентиран пред турскиот Парламент околу мерките кои треба да се преземат со цел да се минимизираат последиците од евентуален силен земјотрес, предупредува на опасност од цунами во Турција, јави турската приватна телевизија Си-Ен-Ен-Турк.
Во извештајот на повеќе од 500 страници се наведува „јасна опасност од цунами” во земја каде што бреговите на Егејското, Средоземното и Мраморното Море се густо населени и се забележува голема сеизмичка активност, пишува весникот „Милиет”.
Според документот, првиот удар при евентуално цунами нема да предизвика штета, но ќе го следат други кои ќе бидат уништувачки.
Во извештајот се тврди дека Мраморното Море има голем потенцијал за појава на цунами, а истражувањата покажуваат дека овој феномен е забележан таму повеќе од 30 пати во минатото.
При силен земјотрес се очекува првиот бран на можно цунами да стигне до брегот за десет минути, а највисокиот од нив да го погоди копното за околу еден час или час и половина. Островите и источниот дел на Мраморното Море се очекува да бидат најпогодени од цунами, предупредува извештајот.
Ново на Сител
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите