Презентирани мерките самовработување на лица со инвалидитет во кумановскиот Центар за вработување
Мерки за самовработување на лица со инвалидитет беа презентирани денеска на трибина во Центарот за вработување во Куманово. На трибината учествуваа околу 50 лица со инвалидитет, а мерките ги презентираа вработените во Центарот.
Раководителот на Центарот за вработување Куманово, Милорад Тренчевски истакна дека мерката се состои во неповратни средства од 5.000 евра и платени придонеси, а нуди можност за вработување на уште две лица за кои ќе добијат уште по 92.000 денари.
- Лицата со инвалидитет, иматели на идеја, имаат извонредна можност да креираат одржлив бизнис план и да го решат својот статус на невработено лице, изјави Тренчевски.
Досега во Центарот за вработување поднесени се три апликации за самовработување на лица со инвалидитет. Едната се однесува на отварање фирма за молерисување, втората за работилница за тапацирање мебел, а третата за браварска дејност.
Тренчевски информираше дека во евиденцијата на Центарот за вработување Куманово регистрирани се 160 активни баратели и 70-тина пасивни баратели, лица со инвалидност.
Огласот е во тек, но постои можност да се продолжи се додека не се исполни предвидената квота. Предвидена е и поддршка на лицата со инвалидитет преку обезбедување континуирани консултантски и менторски услуги.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка