Свет
15. December 2017 - 9:29

Претседателските избори во Русија ќе се одржат на 18 март

Советот на федерацијата - Горниот дом на рускиот Парламент едногласно одобри денеска претседателските избори во Русија да се одржат на 18 март 2018 година.

- Документот ќе биде објавен на 18 декември, изјави Андреј Клишас, претседател на Уставна комисија.

Тоа ќе биде официјален старт на изборната кампања во Русија.

Веднаш по објавувањето партиите ќе може да организираат предизборни конгреси, а независните кандидати да собираат групи за своја поддршка.