Претседателот на Собранието Џафери се сретна со Косијас
Претседателот на Собранието на Република Македонија Талат Џафери, денеска оствари средба со министерот за надворешни работи на Република Грција Никос Коѕијас.
На средбата присутвувале и пратениците Ирена Стефоска и Африм Гаши.
Претседателот Џафери, како што информираат од неговиот Кабинет, изразил задоволство од средбата и очeкување за интензивирање на средбите на сите нивоа во иднина, вклучително и на парламентарно ниво меѓу двете држави.
- Република Грција е наш јужен сосед со кој поминавме низ многу предизвици во изминатите декади и кој, во исклучително критични моменти, активно ја поддржа европската интеграција на Република Македонија со ратификацијата на Спогодбата за стабилизација и асоцијација, за доделувањето на кандидатски статус за членство во ЕУ и безвизниот режим за нашите граѓани во земјите на Унијата и нашите напори за исполнување на критериумите за членство во ЕУ и НАТО, рекол Џафери на средбата.
Министерот Коѕијас истакнал дека е почестен што е гостин во Собранието на Република Македонија и посочил дека Република Грција како прв сосед ја сака стабилноста на Македонија и ја поддржува нејзината евроатлантска интеграција.
- Како најстара земја на ЕУ и НАТО, стои на располагање со сопствени искуства и експерти да и помогне на земјата во реформската агенда. Сега е моментот да се постигне компромис за отворените прашања кои нè држат во затворот на историјата, бидејќи на тој начин може да се отворат сите полиња на заедничка соработка, вклучително и интензивирање на средбите на парламентарно ниво со колегите од Парламентот на Грција, истакнал грчкиот министер.
Присутните се согласиле дека мерките за градење на доверба успешно се имплементираат во повеќе области и било истакнато дека може да се посвети повеќе внимание на развивање културни проекти, како мост за поврзување на двете држави и граѓаните, кои во континуитет одржуваат блиски и пријателски односи.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација