Пресврти и финале за „јорганџиите“ во шпанскиот куп
Атлетико Мадрид ќе се судри со својот градски ривал Реал Мадрид во финалето на шпанскиот Суперкуп во Саудиска Арабија, откако „јорганџиите“ во луд натпревар се вратија од 2:1 негатива за 3:2 победа над Барселона во Џеда.
Во тензичното прво полувреме, во кое двата клуба имаа свои шанси најинтересна беше вербалната пресметка помеѓу Меси со младиот португалски талент на Атлетико, Жоао Феликс, која на крај заврши со жолти картони за Луис Суарез и Стефан Савиќ, кои се обидуваа да „воведат мир“.
Само што почна второто полувреме, тимот на Диего Симеоне дојде во водство преку Коке во 46. минута по една убава акција. Меѓутоа, тогаш Барса врати на вистински начин – Лео Меси во 51. минута постигна прекрасен гол, за 11 минути подоцна, Антоан Гризман да стрела против својот поранешен клуб за 2:1 водство.
Во 74. минута изгледаше дека сѐ е готово, откако Жерард Пике постигна гол, но ВАР системот одлучи дека се работи за офсајд. Атлетико го искористи ова на најдобар начин. Во 82. минута по фаулот на Нето, Алваро Мората од белата точка израмни на 2:2, пред Анхел Кореа во 86. минута по еден брз контранапад да ги постави конечните 3:2.
Ново на Сител
-
Гласаат затворениците во Штип
-
Управен ја запре постапката за вработување на 130 кандидати за идни судии и јавни обвинители
-
ДСЗИ констатира незаконско работење на Токсикологија – лица без договор за работа давале здравствени услуги
-
Супервештачење за случајот Веапоска која остана без три органи
-
Ученикот кој претепа наставничка ќе биде префрлен во друго училиште
-
Просечната плата помала за 5 евра, трошоците зголемени за 20 евра - синдикалната кошничка надмина 1.000 евра
-
Протест во прилепскиот затвор
-
Преглед на вестите од светот