Премиерот Заев утре ќе учествува на Економски форум во Виена

 Премиерот Зоран Заев утре ќе учествува на Економскиот форум „Дијалог за иднината 2017“, што се одржува во Виена, Австрија.

Покрај премиерот Заев, на форумот ќе присуствува и вицепремиерот задолжен за економски прашања и координација со економските ресори, Кочо Анѓушев.

Претседателот на Владата на РМ ќе има обраќање во рамки на дебатата на тема „Регионалната соработка како дел од европските интеграции“, а вицепремиерот Анѓушев ќе говори на првата пленарна сесија „Живееме во дигитално време! Визија и реакција на инвеститорите“.

Како што соопшти владината прес- служба, во текот на утрешниот ден, поточно во попладневните часови, предвидено е премиерот Зоран Заев да оствари средба со министерот за надворешни работи и иден канцелар на Австрија, Себастијан Курц.