Премиерот на Пакистан предупредува на опасност од војна

Премиерот на Пакистан, Имран Кан, отворено предупреди дека е можна војна поради репресијата на Индија во спорниот хималајски регион Кашмир.

 

Кан го изјави тоа во време на зголемена блискост на американскиот претседател Доналд Трамп и индискиот премиер Нарендра Моди, кои двапати разговараа во изминатите три дена. Трамп ги повика двете страни да ги надминат разликите.

 

Тој го опиша индискиот лидер Моди како „расист” кога зборуваше пред новинарите во ОН.

 

Индија и Пакистан, ривали со нуклеарно оружје, се во се полоши односи од 5 август, кога индиската влада ја укина автономијата над дел од Кашмир под индиска контрола.

 

Националистичката хиндуистичка влада на Моди воведе полициски час и ги прекина скоро сите форми на комуникации во мнозинскиот муслимански Кашмир.