Македонија
17. јуни 2021 - 13:58

Премиерите на Македонија и Бугарија ги започнаа разговорите со средба лице в лице

Започна средбата на бугарскиот премиер Стефан Јанев со премиерот на Северна Македонија, Зоран Заев, јави дописникот на МИА од Софија.

За време на досега одржаните разговор меѓу двајцата лидери, Јанев го изрази ставот на Бугарија за напредокот на Република Северна Македонија во нејзините напори за влез во Европската Унија. Тој му посочи на Заев дека во односите со Северна Македонија, Бугарија се води од разбирање дека зајакнувањето на довербата и враќање на дијалогот се основа на изнаоѓање одржливи решенија.

По разговорот лице в лице меѓу Јанев и Заев ќе се одржи средба во проширен состав меѓу делегациите на двете земји.