Пратеничката Моника Зајкова од ЛДП хоспитализирана на Инфективна поради Ковид-19
Пратеничката од ЛДП Моника Зајкова вечерва објави дека е позитивна на Ковид-19 и е хоспитализирана на Клиниката за инфективни болести во Скопје.
-Ви пишувам откако собрав малку сила, лежејќи на клиниката за инфективни болести каде што сум хоспитлизирана поради заразеност од корона вирусот. Најдирекно и најискрено сакам да ви пренесам дека вирусот е насекаде околу нас, не е воопшто за потценување, а заболувањето може да биде полошо отколку што можете да замислите! Истовремено ве информирам дека не само јас, туку и моите родители, за среќа со полесни симптоми, се борат со фамозниот непријател кој и во нашата земја зеде голем замав. Иако ги следевме и почитувавме сите протоколи, најверојатно некаде, за жал, сме потфрлиле, напиша Зајкова во објава на Фејсбук.
Таа додава дека телесната температура не и спаѓа под 38.5 C, чувствува омалаксаност, континуирано гадење, повраќање и изнемоштеност. Констатирана и е почетна пневмонија.
-Ова не сакам да звучи како заплашување, туку повеќе како отрезнување, затоа што понекогаш може да биде предоцна! Од состојбата во која се наоѓам сакам најостро да ги осудам и да ги побијам неубеденоста во егзистирањето на вирусот, неверувањето кон неговата вируозност и негодувањето од пропишаните мерки. Најдлабоко ве замолувам – Следете ги препораките од министерството за здравство и СЗО. Надевајте се дека вирусот никогаш нема да допре до вас, но однесувајте се како да е насекаде околку вас, затоа што е реалност! Носете маска, безусловно, макар и сами на улица! Одржувајте соодветна дистанца меѓу останатите! Одржувајте темелна дезинфекциона хигиена! Пребродете го периодов кој бара одрекувања и изолација во нешто што е продуктивно за вас и за семејството, напиша Зајкова.
Здравствените работници, како што дополнува, се беспрекорно организирани и посветени и заслужуваат највисоко признание, но глетката кон состојбата на пациентите е траорна и посакувам никој никогаш да не ја види или доживее! – За жал, борејќи се со опасниот вирус, извесен период ќе бидам спречена да ги извршувам работните обврски како пратеничка во републичкото собрание, претставувајќи ве најдобро што знам и умеам, но штом се изборам со овој предизвик, продолжувам со полна пареа!, наведува пратеничката.
Ново на Сител
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро