Познат идентитетот на загинатите во сообраќајката кај Плетвар
Тригодишното девојче Теодора Е. од Скопје и 23 годишниот Горан Ц. од селото Големо Радобил, Прилеппско го загубија животот во тешката сообраќајна несреќа што синоќа околу 20:20 часот се случи на магистралниот пат Прилеп – Градско кај Плетвар.
Во несреќата се повредени уште пет лица, кои се префрлени во Прилепската градска болница и според Основното јавно обвинителство, се со полесни телесни повреди, надвор од животна опасност и веќе се пуштени на домашно лекување.
Прилепскиот јавен обвинител Ристо Шошески потврди дека синоќа се судриле три возила.
- Според првичните сознанија, автомобил „Фолсфаген шаран“ со скопски регистерски таблички, движејќи се од Прилеп кон Градско претекнувал товорно возило „Пежо експерт“ со бугарски регистерски таблички. Автомобилот удрил во камион со бугарски регистерски таблички натоварен со дрва. Контактот бил мал, но не можела да се избегне трагедијата, изјави Шошески.
На местото на несреќата од тешките повреди починала тригодишната Теодора која се возела во автомобилот со скопски регистерски таблички и 23 годишниот Горан Ц, возач на товарното возило со бугарски регистерски таблички. Уште петмина патници од авгомобилот се повредени. Тие се префрлени во Прилепската градска билница и, според обвинителот Шошески, имаат лесни повреди и веќе се пуштени на домашно лекување.
Поради тешката сообраќајна несреќа, сообраќајот на магистралниот пат Прилеп - Градско синоќа беше во прекин повеќе од три часа. Полицијата и обвинителството направија увид, а по обдукцијата на загинатите треба да се утврдат причините за нивната смрт.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка