Позитивни на коронавирус во Шкендија и во Ренова
„Спортмедиа“ од информации блиски од Тетово дознава дека во Шкендија и во Ренова има позитивни на коронавирус. Двата тетовски тимови направија тестирања донирани од синдикатот за фудбалери, и тие покажуваат дека има шест случаи на Ковид-19. Според сознанијата, две лица се од таборот на Шкендија, и четворица од тимот на Ренова.
Засега не се објавуваат имиња, но многу детали ќе бидат познати во текот на денот. Секако дека тимовите ќе бидат подложни и на втори тестирања на коронавирусот.
Дознаваме дека се свикани итни состаноци во двата клуба за попладнево.
Панче Ќумбев, претседателот на синдикатот на фудбалери во Македонија кусо ни потврди дека има позитивни случаи во двата клуба.
„За жал има позитивни случаи. Дополнителните детали ќе бидат соопштени наскоро“, ни изјави Ќумбев.
Ова може да има влијание во враќањето на првенството кое беше најавено во текот на оваа недела, а екипите веќе почнаа со тренажен процес. Но, овие позитивни тестови може да ги сменат плановите, па дури и да биде прекинато првенството, односно да не се доигра.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари