Пожарот во фабриката „Жито Битола“ активен, пожарникарите, полиција и градоначалникот Коњановски на терен
Девет пожарникарски возила со 22 пожарникари го гаснат пожарот кој попладнево во 17:20 часот избувна во поранешната фабрика „Жито Битола“ што се наоѓа на јужната страна од градот.
Од Територијалната противпожарна единица во Битола иинформираа дека нивна екипа веднаш интервенирала, а по согледувањето на сериозноста на пожарот активиран е целиот потенцијал со кој располагаат исклучувајќи ги пожарникарите кои се во изолација заради ковид-инфекции.
По добиените информации за пожарот во поранешна „Жито Битола“ реагираше и градоначалникот Тони Коњановски кој потврди дека ги контактирал сите надлежни служби за брза интервенција, а разговарал и со министерот во Министерството за внатрешни работи Оливер Спасовски.
– Важно е што нема повредени лица. Мобилизирани се сите пожарникари, а побаравме помош и од соодветни екипи на РЕК Битола. Разговрав и ги информирав ЦУК, министерот Оливер Спасовски, како и колеги од соседните градови да помогнат доколку пожарот ги зголеми размерите, истакна битолскиот градоначалник Тони Коњановски.
Вечерва со соопштение до јавноста излезе СВР-Битола од каде информираат дека на терен се излезени и полициски службеници за координирање на сообраќајот и јавниот ред во тој дел на градот.
– До сега нема пријава за повредени лица. Полициските службеници во координација со територијалната противпожарна единица Битола интензивно преземаат мерки за гасење на пожарот, соопштија од СВР-Битола.
Превентивно, во овој дел на градот исклучена е електричната енергија, а сообраќајот се одвива со посебен сообраќаен режим.
Ново на Сител
-
ЈО: До затворање на избирачките места не е пристигната ниту една пријава за кривично дело поврзано со изборите
-
Три случаи на фотографирање и два случаи на кинење на гласачкото ливче, соопштува МВР
-
Муцунски: Овој ден е почеток на крајот на оваа власт
-
48% од гласачите гласале до 18.30 часот
-
Арбен Таравари: Граѓаните масовно излегуваат, што е добар знак за опозицијата
-
Стевчо Јакимовски: Најголема штета се прави на Македонија, ако не се излегува да се гласа
-
Билјана Ванковска: Првиот и најважен чекор е граѓаните да гласаат, а каков избор ќе направат ќе видиме вечер
-
Максим Димитриевски: Посакувам да победи демократијата и Македонија