Пожарите се под контрола и нема простор за паника
Состојбата со пожарите во Македонија е под целосна контрола, тврди директорот на Дирекцијата за заштита и спасување. Активни и натаму се пожарите во Македонски брод кај селото Волче и место викано Сува Гора, но нема опасност од нивно проширување. Гори и во селата Дрен и Смолари, а нов пожар од утрово е регистриран во Катланово, кај селото Градманци. Гори нискостеблеста шума, а на терен се екипи на Македонски шуми и хеликоптерите на ДЗС.
Активен е уште еден пожар кој избега кон границата со Косово во село Грачане, а гори нискостеблеста шума и очекуваме до крајот на денот целосно да биде изгасен, истакна Салиу.
Еден од главните проблеми на Дирекцијата за заштита и спасување во летниот период е и недостаокот од обучен кадар, особено пилоти, за што Салиу најаваи дека ќе бара помош од Владата за распишување на нови огласи.
Во гаснењето на пожарите од утре ќе бидат вклучени и два авиони од Израел од каде е пристигната помош и во обучен персонал. Надлежните апелираат граѓаните посебно да внимаваат при движење на отворено, да не користат запаливи материи и да не се фрлаат отпушоци од цигари. На силча и натаму е забраната за движење во шуми за што се пропишани и високи казни.
-
Деспина Тодоровска
Сите содржини од овој новинар