Повторно убиство на Афроамериканец во САД
Еден млад човек почина (19) и едно лице е во критична состојба, откако непознат напаѓач од црно теренско возило отвори оган со автоматска пушка врз демонстрантите кои се собраа во Сиетл.
Убиството се случи во два часот наутро, а полицијата интензивно трага по напаѓачот.
Нападот се случи веднаш до барикадите што беа поставени за да се обезбеди митингот „Black lives matter“. Едnо лице почина на лице место додека друго лице, со тешки телесни повреди, било пренесено во болница и лекарите се борат за нејзиниот живот.
Од полицијата соопштија дека во тек е интензивно пребарување на еден или повеќе напаѓачи кои избегале од местото на настанот веднаш по злосторството.
Според нив, полициските службеници морале да се соочат со „разгневената толпа“, што ги спречило да се приближат кон жртвата и да и пружат помош.
Човекот кој ја повикал полицијата изјавил дека вооружен маж излегол од црно теренско возило со автоматско оружје и почнал да пука. Повредените биле веднаш однесени во блискиот шатор поставен од демонстрантите во Сиетл, но немало помош за младиот човек.
Организаторите на протестот тврдат дека напаѓачот е бел и дека жртва на нападот е Афроамериканец.
За потсетување, протести се одржуваат насекаде во САД поради убиството на Афроамериканецот Џорџ Флојд, кој беше убиен за време на бруталното апсење во Минесота.
Ново на Сител
-
Руски воен репортер загина во Украина
-
Претрес во Свети Николе, пронајдена дрога
-
Пожари на диви депонии во Желино и Боговиње
-
Приведен дилер во Охрид, пронајдена дрога
-
Вучиќ-О'Брајан: Различни ставови по прашањата за Косово и Сребреница
-
Шест деца и тројца возрасни загинаа во израелски напад во Рафа
-
Во вторник предизборен молк
-
СПМ поднесе кривична против поранешниот министер за внатрешни работи и други три лица за несовесно работење