Повеќе од три милиони Кинези тестирани за коронавирус за два дена во Чингдао
Повеќе од три милиони Кинези се тестирани за коронавирус за два дена во деветмилионскиот град Чингдао. Кинеските власти започнаа со масовно тестирање во пристанишниот град откако регистрираа неколку случаи на Ковид-19.
Огромни редици се формираа вчера во источниот град, каде претходниот ден беа откриени шест случаи на коронавирус, но властите презедоа брза акција, пренесува Франс24.
Здравствените работници во Чингдао, во целосна заштитна облека, земаат примероци за тестирање од жителите на градот во шатори лоцирани во населбите.
Граѓаните велат дека властите ги известиле за најблиските станици за тестирање. Квартовите помагаат во организирање на собирање примероци за време на масовното тестирање.
Комисијата за здравство во Чингдао соопшти дека до 8 часот утрово, по локално време, во градот биле земени 3,08 примероци, а добиени се 1,11 милиони резултати.
Досега се потврдени шест лица со коронавирус и шест случаи без симптоми.
Градската влада соопшти дека ќе го тестира целото население на градот – околу 9,4 милиони луѓе – за пет дена откако во неделата беа откриени првите случаи во болница.
Не е објавено како резултатите ќе бидат обработени толку брзо, иако Кина може да се пофали со можностите за брзо тестирање за време на претходните епидемии.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово