Поведена истрага против осомничен дилер од Скопје
Поради неовластено производство и пуштање во промет на наркотични дроги, психотропни супстанции и прекурсори, Основното јавно обвинителство Скопје донесе наредба за спроведување истражна постапка против 31-годишен скопјанец.
Како што информираат од ОЈО, на 7 април, во домот на осомничениот, на улица „Метохиска“, биле пронајдени 226,89 грама марихуана во полиетиленски пакувања наменети за натамошна неовластена продажба. Освен ова, при претресот била одземена и една дигитална вага.
Од ОЈО дополнуваат дека надлежниот јавен обвинител до судијата на претходна постапка од Основниот кривичен суд доставил предлог за определување мерка притвор за осомниченото лице, бидејќи постои опасност од бегство, можност да влијае врз постапката или да го повтори делото.
Лицето се товари за неовластено производство и пуштање во промет на наркотични дроги, психотропни супстанции и прекурсори согласно член 215 став 1 од Кривичниот законик.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари