Порошенко ја спореди Русија со Хитлер во говорот по повод 26-годишнината од независноста на Украина
Украинскиот претседател Петро Порошенко, во говорот по повод 26-годишнината од независноста на Украина, ја нарече Русија „окупатор“ и ја спореди со нацистичкиот дикататор Адолф Хитлер, јави ДПА.
Зборувајќи за битката што започна пред три години во источната украинска Доњецка област, што граничеше со Русија, Порошенко истакна дека руската војска директно ги нападнала украинските сили.
- Со голема болка ние се сеќаваме на хероите од Иловјаск. Тие беа крваво нападнати од силите на руската армија, кои навлегоа во нашата земја без да објават војна, како што Хитлер направил на времето, нагласи украинскиот претседател.
Русија ја анексираше јужната украинска област Крим, каде има руска военоморска база, во почеткот на 2014 година, за да се одмазди за симнувањето од власт на прорускиот украински претседател Виктор Јанукович.
Украинскиот претседател потенцираше дека Русија ја носи вината за смртта на повеќе од 10.000 лица кои загинаа за време на конфликтот.
- Никогаш не заборавајте, никогаш не простувајте, се обрати Порошенко кон украинскиот народ.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање