Пороен дожд вечерва предизвика поплави во Скопје и Куманово
Поизразена нестабилност со пороен дожд и грмежи вечерва има во Скопската котлина, како и во Кумановско. Оваа нестабилна облачна маса е со правец на движење кон североисток, но се очекува да се задржи над ова подрачје во наредните час до два.
Пороен дожд и град го зафати Куманово вечерва пред 20 часот. Невремето беше проследено со силни електрични празнења и грмежи, а град со големина на лешник врнеше во поширокото централно градско подрачје.
Од регионалниот центар за управување со кризи Куманово информираа дека големи количини вода се слеваат на булеварот „Октомвриска револуција“. Информацијата ја потврдија и одговорните од ЈП „Водовод“ чии екипи се на терен.
Најкритично според директорот на „Водовод“, Горан Стојковски е на најниските точки во градот булеварот „Октомвриска револуција“ и „Никола Тесла“.
- Екипите се на терен и ги отвараат шахтите за атмосферска канализација, вели Стојковски.
Како што соопшти УХМР, во ноќните часови и понатаму ќе биде нестабилно облачно со локален пороен дожд и грмежи, особено во источната половина од земјата. Во втората половина од ноќта атмосферата ќе се стабилизира.
Попладнево во Македонија времето беше значително облачно со локални врнежи од дожд, кои на места беа поројни и проследени со грмежи. Нестабилно беше во Штипско, Градско, Прилепско, Кочанско, како и во Полог.
Утре само во крајните западни и источни делови ќе има локален дожд и ретка појава на грмежи. Во среда и четврток во поголем дел од земјава ќе се задржи суво време. Нови врнежи од дожд се очекуваат во петок, а особено за време на викендот кога ќе биде и нестабилно со пороен дожд и грмежи.
Ново на Сител
-
Почнува кампањата за парламентарните избори - ВМРО-ДПМНЕ традиционално во Охрид
-
Караванот на СДСМ и коалиција почнува од ИЕ4
-
Специјализантите в понеделник во 5 до 12 ќе штрајкуваат пред Министерството за да ги види и слушне Демири
-
Мицкоски во Охрид на увид во градежни активности во 3 клучни проекти
-
СДСМ ја стартуваше кампањата – нема откажување додека Македонија не стане дел од ЕУ
-
ДУИ: По изборите Османи е шеф на државата, Села спикер, а Бугарите дел од Уставот
-
Албанската опозиција во кампања со поддршка од косовскиот премиер
-
Анкета на ИРИ: Србите најголеми пријатели, Бугарија најголема закана за Македонија