Свет
28. November 2018 - 22:30

Поранешен норвешки министер обвинет за силување мигранти

Поранешниот конзервативен министер Свејн Лудвигсен (72) од Норвешка, е обвинет за силување мигрантите, објави норвешкото Министерство за правда.

Тоа траело со години, а државниот обвинител го испитува поранешниот министер за сексуална злоупотреба на три лица, појасни државниот адвокат Тор Борге Нордмо.

Лудвигсен е обвинет за злоупотреба на функцијата полициски управник на регион, како и дека ја искористил тешкатѕа положба на три лица кои барале азил, многу помлади од него, од кои едниот со лесна ментална болест и сексуално ги искористил.

Тоа се случувало во неговата куќа и во хотели во периодот помеѓу 2011 и 2017 година, се наведува во обвинението.

Пред да стане полициски управник, поранешниот конзервативен функционер беше на највисоките државни функции, меѓу кои и министер за риболов меѓу 2001 и 2005 година.

Лудвигсен ги отфрли сите обвинувања.