Свет
5. January 2018 - 13:41

Поплави и свлечишта во Германија

Поројните врнежи и топењето на снегот предизвикаа поплави и свлечишта во јужна Германија, соопшти денеска локалната полиција.

Стотина луѓе биле евакуирани од градот Санкт Блазиен како мерка на претпазливост, пред да дојдат ноќните временски услови, за кои се предупредува дека ќе се влошат.

Германија поплави

Во другите делови на провинцијата Баден-Вуртемберг пријавени се поплавени патишта.

Во провинцијата Баварија реките поплавиле подруми и гаражи.

Германија поплави

Речниот сообраќај на реката Мозел и дел од реката Некар е во прекин, а во деновите што следуваат оваа мерка може да се прошири и за Рајна.

Во многу области на провинцијата Рајнланд-Пфалц пријавен е поплавен имот.

Германија поплави

Метеоролозите прогнозираат дека во наредните денови ќе врне уште повеќе дожд и се очекува нивото на реките да продолжи да расте.