Поплава на „Илинденска“, пукна водводна цевка - вода до колена до „Скопје Сити Мол“
Булеварот „Илинден“ вечерва беше поплавен откако пукна водоводна цевка, а реките вода се излеваа покрај „Про Кредит“ банка па се до трговскиот центар „Сити мол“. Излевањето на водата најпрво направи хаос во сообраќајот, а откако екипи на „Водовод и канализација“ го исклучија притисокот, водата се повлече, по што на асфалтот остана кал и тиња.
На самото место се присутни неколку екипи од ЈП „Водовод и канализација“ како и полициски возила кои го стопираа сообраќајот. Според првичните информации, поплавувањето на булеварот е предизвикано поради пукање на цевка од водоводната мрежа во должина од шест метри. Упатените информираат дека до вакви дефекти доаѓа поради нагла промена на временските прилики, односно од многу ниски на високи температури и обратно.
Како што пренесува „Макфакс“, вонредно биле повикани повеќе екипи за да ја санираат штетата, кои ќе работат во текот на целата вечер. Водата засега е стопирана, а до утре се очекува да биде саниран и дефектот на цевката.
Иако во меѓувреме водата е повлечена од булеварот, големите вирови и наноси од кал сведочат за дефектот кој предизвика застој во сообраќајот во овој дел од главниот град.
Фото: Сакам да кажам
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање